еМагазин
Image default
Техно ТОП СТОРИИ

Македонски Телеком ја гаси старата 3G технологија

Македонски Телеком е првиот оператор во Македонија којшто ќе ја деактивира старата 3G технологија како дел од стратегијата за креирање супериорна мрежа, најдобро корисничко искуство и дигитална трансформација, информираат од таму.

Одлуката е во согласност со светските трендови во индустријата, а целта на овој чекор е целосен фокус на развојот и ширењето на новите технологии. Во исто време, овој чекор е и одличен показател за степенот на развиеност, доверливост и супериорност на 4G и 5G мрежата на Македонски Телеком, велат од таму.

3G за прв пат кај нас беше воведена во 2009 година и го отвори патот кон интернет ерата. Иако некогаш револуционерна, оваа технологија е одамна надмината. Со нејзиното гасење ќе се ослободат фреквенции, ресурси и инвестиции коишто ќе бидат целосно насочени кон развој на 4G и 5G технологиите, велат од компанијата.

„Гасењето на 3G не е само замена на застарената технологија, туку и ветување за супериорно корисничко искуство. 3G заминува во историјата, а ние целосно ќе го искористиме потенцијалот на новите далеку понапредни технологии како што се 4G и 5G за подобра поврзаност, поголеми брзини и поквалитетна услуга за корисниците“, изјави Маја Милосавлевска Наумовска, главен директор за техника и ИТ во Македонски Телеком.

Активностите ќе се одвиваат постепено, по региони, за да се обезбеди транзиција без прекини во комуникациските услуги. До крајот на април 2024 година, 3G ќе биде целосно надвор од употреба на целата територија.

Замената на старите технологии освен технолошки носи и еколошки поволности. Во споредба со 3G, 4G е за 5 пати, а 5G дури за 15 пати, енергетски поефикасна. Ова значи намалување на емисијата на јаглерод диоксид, што е дел од ESG агендата на Македонски Телеком, велат од таму.

Повеќе информации на: www.telekom.mk.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Црвенковска да ги пријави сите притисоци или влијанија до институциите, порача Ковачевски

Редакција

„А малите и средните?“: Твитер за изјавата на Адеми дека големите дивоградби во Охрид се броеле на прсти

Редакција

Бугарин и „северномакедонец“ во вселената и така започнува „Војна на ѕвездите“, искоментира Борисов за изјавата на Трифонов

Редакција