Македонија

Грчки медиуми: Заев во неговиот говор го злоупотреби Договорот и пет пати спомена „Грци и Македонци“

Како и во изминатите денови, македонско – грчкиот Договор и понатаму е во фокусот на медиумите, политичарите и општеството во Грција.

Германија: Политичките сили во Скопје и Атина да го поддржат договорот

​Германската Влада го поздравува договорот меѓу Атина и Скопје и апелира политичките сили од двете земји да го поддржат Преспанскиот договор. Според портпаролот на германската Влада, Штефан Зајберт, договорот дава повод за доза оптимизам, но загриженост будат насилствата за време на протестите во Скопје против договорот.

Влада: Секој кој ги повикува граѓаните на насилство има одговорност

Владата најостро го осудува насилството, говорот на омраза и повиците за насилство од вчерашните настани, кои имаат за цел да манипулираат и да ги вознемируваат граѓаните на земјата, информираат од таму. Во соопштението тие додават дека „Владата категорично, согласно овластувањата и законите, ќе ја штити безбедноста на граѓаните и институциите и нема да дозволи изолирани групи со насилство да го нарушуваат јавниот ред и мир за да шират атмосфера на страв и несигурност.“ 

(ВИДЕО) Протестите снимени со камерата на МВР

Министерството за внатрешни работи објави видеоснимка од вчерашните протести пред Собранието, а против потпишувањето на Преспанскиот договор со кој нашата земја во иднина би се викала Република Северна Македонија. Со оглед на тоа што во јавноста имаше обвинувања околу „бруталноста“ на полицијата, снимката од внатрешните редови открива агресвност од дел од протестантите насочена кон полицијата.

 

Ништо од НАТО и ЕУ за ПЈРМ, без ревизија на Уставот, повтори грчкиот претседател Павлопулос

Решение на името што нема да шири иредентизам и уставна ревизија се предусловите за напредок на Македонија кон НАТО и ЕУ, според грчкиот претседател Прокопис Павлопулос. Како што јави дописничката на МИА од Атина, и покрај вчера потпишаниот договор, за Павлопулос предусловите за европска и евро- атлантска интеграција остануваат исти. Своите ставови, ги повтори на средбата со неговиот индиски колега Рам Хат Ковинд.

Генералниот секретар на ОН, Гутереш: Заев и Ципрас склучија историски договор

​Генералниот секретар на ОН Антонио Гутереш преку Твитер го поздрави договорот меѓу Македонија и Грција, нарекувајќи го историски.

За фразата „Македонците и Грците“ на Заев, Коѕијас вели дека премиерот се самоидентификувал според географската област

Договор без компромис има само во време на војна, со соседната земја не сме во војна, пријатели сме, истите оние што сега протестираат во Грција, ги пречекуваат соседите како клиенти и муштерии и тогаш не им пречат, рече шефот на грчката дипломатија Никос Коѕијас во интервју за грчкото радио „Алфа989“.

Пресуди за уште двајца обвинети за насилствата во Собранието од 27. април

​Двајца обвинети за насилството и упадот во Собранието од 27-април минатата година признаа вина и изречени им се пресуди, потврдија од Кривичниот суд. На едниот му е изречена казна затвор од една година и три месеци, а другот е осуден условно на две години затвор. - Врз основа на признание на вина донесена е првостепена, неправосилна пресуда со која обвинетите Д.П. и В.Ц. се огласуваат за виновни. 

Хелсиншкиот комитет: Демонстрантите извршија насилни дејствија, а полицијата прекумерно употреби хемиски средства

​Граѓаните кои беа дел од вчерашниот протест пред Собранието на РМ извршија насилни дејствија насочени кон полициските службеници, а полицијата, пак, прекумерно употреби хемиски средства кон демонстрантите, оцени денеска Хелсиншкиот комитет за човекови права на Република Македонија, кој најостро ги осудува синоќешните инциденти.

Обвинителството ги расветлува насилствата пред Собранието

Министерството за внатрешни работи за време на вчерашните протсети пред Собранието лишило од слобода 26 лица, од кои пет малолетници. По утврдување на идентитетот и возраста на лицата, малолетниците согласно Законот за правда на децата се пуштени на слобода.