Интервју со Лазе Камчев, извршен директор на КД Фондови: Ќе се изедначи ли доларот со еврото?

957 Views Декември 21, 2016 Интервју Редакција Емагазин

2016 година полека изминува. Почна со драматичен пад на цените на суровините и нафтата, индексите стигнаа до својот врв, го имавме Брегзит, Американците го избраа Трамп, FED ја зголеми каматната стапка.

Како го би ги оцениле случувањата на пазарот на капитал и активностите на централните банки?

Во 2016 година американскиот берзански индкс S&P го достигна својот историски врв. Почетокот на годината го карактеризираше пад на цената на суровините кои уште се под просекот на последните неколку години.

Дефлацискиот притисок во Европа ја присили централната банка на активност. Ова значеше нов степен на стимулативни мерки. Намалување на каматните стапки на – 0,4% (негативни 0,4%), воведе програма за рефинансирање на кредити на други банки, проширувањето на купувањето на обврзни и купување на небанкарски корпоративни обврзници.

Мека монетарна политика покрај Европа водеа и останатите светски централни банки, вклучително и Американската. Првото зголемување на каматните стапки се случи во декември 2015 година, а по тоа очекувавме неколку зголемувања на рефернтните каматни стапки, но пред неколку дена се случи првото оваа година.

Како резултат на мека монетарна политика приносите на долгорочни вложувања во обврзници на некои земји завршија во негативна територија.

Европа го имаше Брегзит, Америкаците го добија Трамп?

Поголема нестабилнот на пазарите забележавме во јуни, кога поради “Brexit”-от. Островјаните се одлучија за независност. Конечниот политички и економски резултат е неизвесен, бидејќи преговорите започнуваат во март.

Од другата страна на атлантикот во неизвесната и тесна трка за избор на претседател на Америка слави Њујоршкиот бизнисмен Донал Трамп. Неговите ветувања за владини инвестиции, намалување на дел од даноците и острата надворешна политика го измешаа движењето на цените на акциите на пазарот.

Акцискиот пазар во САД имаше доста приливи, а обврзниците беа под притисок на продажба што главно се должи на очекувањата за зголемување на каматните стапки и поголемо трошење кое се очекува од администрацијата на Трамп. Акциите на компаниите во индустрискиот сектор се зголемија.

Очекувањата за зголемување на каматните стапки позитивно влијаеше на финансиските компании во поглед на цените на нивните акции, бидејќи со повисоки камати ќе книжат поголеми маргини на задолжување кое се очекува да остане исто.

Од друга страна компаниите кои испорачуваат комунални и енергетски услуги (utilities) поради очекувањата за зголемување на каматите имаа пад на вредноста на акциите, бидејќи имаат доста долгови (кредити) што директно ќе влијае на нивната профитабилност.

Пред неколку дена FED—ја зголеми каматната стапка, што може да се очекува?

Инвеститорите очекуваат раст на каматните стапки на заседанието на FED во декември 2016 и тоа го добија овој декември. Движењето на каматите е веќе вкалкулирано во краткорочните обврзници. Приносот до доспевање на двегодишната Америчка државна обврзница порасна за приближно 0,4% и беше 1,16% на ден пред состанокот на FOMC а на самиот ден до 1,22%.

Од FED се очекува уште три пати да ја зголеми референтната каматна стапка во 2017 година, а не два пати како што се планираше до скоро и уште толку во 2017 година.

Инфлацијата е се уште на историски ниско ниво од 1,6% на годишно ниво и постепено се ”опоравува”. Таргетирањето на инфлацијата би се движело во интервал од 1,9% до 2% следната и 2018 година. Растот на платите е поголем од продуктивноста, а се зголемува и кредитирањето кај компаниите и физичките лица. FED ќе го задржи износот на државни обврзници купен пред кризниот период.

Доларот постојано зајакнува во однос на еврото, на што се должи тоа и што во иднина?

Во 2016 година, еврото беше на историски ниско ниво во однос на доларот. Причината за ова лежи во експанзивна монетарна политика на ЕЦБ.

Во понамошното купување на Европската централна банка во износ од 60 милијарди долари на месечна основа до крајот на 2017 година, притисоците се дефинитивно на зајакнување на доларот во однос на паритет (изедначување на курсот со еврото).

Меѓутоа, во случај на забавен раст во САД и зајакнување на економиите во развој може да го изгуби еден долар, а со тоа и на EUR / USD да достигне 1,15.

Што се случува со Кина економски?

Кина е главниот двигател на глобалниот економски раст по GFC. Во 2017 година, се очекува економскиот раст да изнесува околу 6,5%, што ќе дојде од зголемената јавна потрошувачка. Придонесот на владини инвестиции за раст ќе биде помал отколку во претходните години, бидејќи покажа неефикасноста на големи инвестиции во претходните години.

Чекорите веќе се преземени за намалување на вишокот капацитет во индустријата за челик и иницијативи за почиста индустрии. Извозот во последните две години, ќе придонесе помалку за економскиот раст, како резултат на помала конкурентност на кинеската индустрија, посилен долар и протекционизам.

 

При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот.

Коментари

Тагови

Најчитани вести