Дури 77% од Бугарите го поддржуваат членството на земјата во ЕУ

1207 Views Јануари 10, 2017 Бенчмарк Камелија Делија

Дури 77 проценти од жителите на Бугарија го поддржуваат членството на нивната земја во Европската Унија, покажуваат резултатите од анкетата на агенцијата „Екзакта“.

Како што јави БТА, според истражувањето против членството на Бугарија во ЕУ се само 13 отсто од анкетираните Бугари.

Меѓу поддржувачите на членството на Бугарија во ЕУ побројни се мажите, лицата на возраст под 60 години, како и оние со високо образование и со средни примања.

Противници на членството се лица постари од 60 години, со низок степен на образование и со ниски месечни приходи.

Кога станува збое пак за членството на Бугарија во НАТО, него го поддржуваат 59 проценти од испитаниците, а 22 отсто се против. Ова претставува зголемување на противниците на членството на Бугарија во НАТО за четири до пет проценти во однос на претходните анкети споведени во изминативе три години. 

Поддржувачи на членството во НАТО се Бугари под 60 годишна возраст, оние со виско образование и жителите на градовите.   

Анкетата е спроведена меѓу 27 и 30 декември 2016 година на примерок од 1.000 полноленти граѓани на Бугарија.

При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот.

Коментари

Тагови

За Авторот

Камелија Делија

Камелија Делија новинар кој ги запазува сите новинарски стандарди.Обожава вино, а и да се чекира!