ЕКСКЛУЗИВНО: Првиот производ од канабис на NYSK Holdings на македонскиот пазар во август

2134 Views Април 21, 2017 Бизнис Петре Димитров

NYSK Holdings, компанија која на македонскиот и европскиот пазар ќе понуди широка палета на производи од канабис, следната недела ќе почне со производство, а првиот финален производ на нашиот пазар ќе биде пласиран во август, велат за еМагазин од менаџментот на компанијата.

„Нашата компанија ќе произведува масло од канабис со присуство на THC од 89-90% и 99% чистота, но за третирање на ралични болести тој процент ќе варира според потребата. Бидејќи нашата компанија ќе пласира производи и на македонскиот и на европскиот пазар, палетата на производи ќе биде адаптирана според листата во Македонија и Европската Унија. 

Во Македонија на листата за болести кои ги третира канабисот се само четири, па нашите производи ќе бидат адаптирани на нив. Листата на болести за која се препишуваат екстракти од канабис во ЕУ е поголема, со тоа и палтета производи за ЕУ ќе биде поголема. Нашата линија ќе биде креирана според палетата на нашите инвеститори од САД“, велат од NYSK Holdings.  

До моментот на пласирање на финалниот производ на пазарот, компанијата прави напори да донесе готов производ од компаниите на нивните инвеститори во САД за да се покрие потребата на македонските граѓани во тој вакум период.

Што се ќе произведува NYSK Holdings, можете да погледнете ОВДЕ.

Производите ќе се прават од целосно домашно одгледуван канабис, а ќе имаат производи кои ќе можат да се купат и со рецепт и без.

Цените на производите моментално не се дефинирани.

„Иако цена во моментов не е точно дефинирана, нашата цел е цените на производите ќе бидат прилагодени на платежната моќ на граѓаните во Македонија“, велат од компанијата.

NYSK Holdings неодамна отвори капацитет за производство во кругот на поранешната фабрика ОХИС. 

Вкупната инвестиција во период од пет години ќе биде меѓу три до пет милиони долари. Компанијата веќе инвестирала половина милион евра во реновирање на овој браунфилд објектот од 2.000 метри квадратни.

При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот.

Коментари

Тагови

За Авторот

Петре Димитров

Професионален дипломиран новинар со долгогодишно искуство. Најмногу сака да патува и да прави возбудливи репортажи, но за да јавноста биде објективно информирана следи и бизнис и политика.