Стивен Хокинг: Ако ви се јават вонземјани, не одговарајте

Популарниот научник Стивен Хокинг предупредува дека евентуалното комуницирање со вонземјани нема да биде добро за цивилизацијата.

Астрофизичарот смета дека интелигентните вонземјани би можеле да бидат непријателски настроени кон луѓето и дури дека можеби сакаат да колонизираат планети богати ресурси, како што е Земјата.

Тој во новиот документарен филм „Stephen Hawking's Favorite Places“ ја коментираше егзопланетата Жил 832, која можеби има живот.

- Некогаш ќе добиеме сигнал од планета како оваа, но би требало добро да се размисли дали ќе треба да одговориме на сигналот. Среба со некои напредни цивилизации би можело да биде како средбата на Колумбо со староседелците од Америка. Тоа не заврши добро, вели Хокинг.

Треба да се има предвид дека Земјата е многу „бучна планета“ која емитува радио и ТВ сигнали во Вселената веќе со децении. Некои астрономи веруваат дека една вонземска цивилизација која е доволно напредната за брзо да патува низ Вселената, до сега веќе сигурно ја „забележала“ Земјата. 

МИА

При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот.

Коментари

Тагови