Врховен ќе расправа за замрзнување на имотот на ВМРО-ДПМНЕ

247 Views Септември 14, 2017 Македонија Камелија Делија

Врховниот суд на денешната седница треба да се расправа за Барањето за заштита на законитоста поднесено од Специјалното јавно обвинителство за пресудата за шестообвинетиот во случајот „Пуч“, Звонко Костовски. 

Скопскиот Кривичен суд на 25 февруари 2015 година донесе пресуда за поранешниот вработен во УБК, Звонко Костовски, со образложение дека како службено лице во МВР од 2010 година неовластено ја користел опремата на МВР за следење на комуникациите и во неа внесувал телефонски броеви на политичари и други јавни личности. Костовски ја потпиша спогодбата со Јавното обвинителство и се согласи за издржување затворската казна од три години.

Барањето до Врховен суд е поднесено, бидејќи според СЈО казна не може да издржува само шестообвинетиот како помагач за нелегално прислушување, а притоа да не одговараат извршителите. Затоа СЈО побара ревизија на правосилната пресуда за да се утврди одговорност на сите фактори, како и поради контрадикторните факти во случаите „Пуч“ и „Таргет“.

Врховните судии денеска треба да одлучуваат и по барањето на Специјалното јавно обвинителство (СЈО) да се замрзне имотот на ВМРО-ДПМНЕ, бидејќи претходно Кривичниот суд го одби ова барање.

СЈО изрази сомнеж дека имотот на ВМРО-ДПМНЕ е стекнат на незаконски начин, порадишто побара негово замрзнување.

МИА

При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот.

Коментари

Тагови

За Авторот

Камелија Делија

Камелија Делија новинар кој ги запазува сите новинарски стандарди.Обожава вино, а и да се чекира!