Следната година ќе се отвори технолошки парк во Скопје

253 Views Септември 27, 2017 Техно Камелија Делија

Државата ќе инвестира во нов технолошки парк во Скопје кој ќе биде дом на еден ИКТ акцелератор за нови ИКТ компании и место каде постоечката индустрија ќе го најде својот интерес и го насочи развојот на нови решенија.

Ова го најави министерот за информатичко општество и администрација Дамјан Манчевски денеска на Конференција за иновативни ИКТ решенија и трендови.

Тој истакна дека се очекува технолошкиот парк да биде отворен во текот на следната година.

- Основниот чекор треба да го направи државата, да мотивира што поголем број луѓе да ја бараат својата егзистенција во ИТ индустријата. Оваа индустрија  е еден од клучните механизми за да ги  мотивираме младите луѓе да останат во Македонија,  да студираат тука, да дојдат лесно до вработување и да имаат повисок животен стандарт. Во наредниот период ќе се обидеме да направиме координирана стратегија како да го постигнеме тоа, рече министерот на отворањето на Конференцијата. 

Конференцијата се одржува во рамки на МАСИТ ИКТ деновите, а на која се дискутира на повеќе актуелни теми и прашања од обалста на ИКТ иновациите во функција на подобар бизнис, живот и развој.

МИА

При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот.

Коментари

Тагови