Растат трошоците на градежниците: Ќе има ли пораст на цените на становите?

916 Views Декември 5, 2017 Бизнис Никола Осило

Во третото тримесечје од 2017 година, во споредба со второто тримесечје од 2017 година, трошоците во градежништвото за нови објекти за индивидуално домување се повисоки за 0,9 отсто, трошоците за материјали се пониски за 0,3 отсто и трошоците за вработените се повисоки за 3,7 отсто, покажуваат најновите податоци на Државниот завод за статистика.

Во третото тримесечје од 2017 година, во споредба со третото тримесечје од 2016 година, трошоците во градежништвото за нови објекти за индивидуално домување се повисоки за 3,3 отсто, трошоците за материјали се повисоки за 2,1 отсто и трошоците за вработените се повисоки за 5,9 отсто.

Вообичаено, секој пораст на трошоците градежниците го пресликуваат во цените на становите. Сепак, зголемената понуда на станови и порастот на станбените кредити би требало да придонесат кон амортизирање на евентуалното зголемување на цените на станбениот квадрат.

Фото: budegatplaces

При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот.

За Авторот

Никола Осило

Професионален новинар со повеќегодишно искуство. Новинарството постои за јавноста да се информира, а не за да се контаминира. Факти пред ставови!