Прифатено обвинението за „Титаник 2“: Ќе им се суди на Мијалков и Тачи

Советот за оценка на обвинителен акт на Кривичниот суд го прифати обвинението за случајот „Титаник 2" за изборни нерегуларности.

Во овој случај на Специјалнот јавно обвинителство (СЈО), обвинети за злоупотреба на службената положба и овластување се лидерот на ДПА Мендух Тачи, поранешните членови на ДИК Бедредин Ибраими, Анета Стефановска и Влатко Сајковски, како и актуелниот член Сашо Срцев. 

Прифатен е и обвинителниот предлог за Сашо Мијаклов за кривично дело примање награда за противзаконито влијание.

Судот не го прифатил обвинителниот акт против петмината судии од Управниот суд Билјана Никодиновска Петревска, Лидија Ивановска, Благородан Арангелова, Анета Џигерова и Газменд Фејзули, кои исто така беа осомничени за изборни нерегуларности. 

За ваквата одлука на судот, СЈО изутрината веќе поднел жалба. 

Во случајот „Титаник 2“, како што претходно одлучи судот, докази ќе бидат и снимките од прислушуваните разговори.

Фото: МИА

При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот.