Можно ли е Георгиевски повторно да му „зарие“ нож во грб на Груевски

1673 Views Декември 9, 2017 Македонија Никола Осило

Во пресрет на конгресот на најголемата опозициска партија ВМРО-ДПМНЕ во јавноста се шпекулира и со можноста за враќање првиот лидер на оваа партија Љубчо Георгиевски на челното место. Тоа би бил своевиден преседан со оглед на историјата на оваа партија и начинот на кој после многу превирања Груевски пред повеќе од тринаесетина години го презеде претседателското место во ВМРО-ДПМНЕ, но потоа као што самиот тврдеше имаше сопки и опструкции од претходното раководство.

„На оваа функција се нафатив под услов дека Георгиевски нема да се меша во работата на новото раководство, независно дали некоја одлука ќе биде во согласност со неговите размислувања и процени. Георгиевски ми го вети тоа и сега го прекрши договорот. Во последните денови пред вториот круг, имав чувство на човек што се движи со нож во грб, забиен од човек кого го сметал за пријател и од кого најмалку очекувал такво нешто“, изјави во 2004 година Груевски по тогашнните избори.

Тој обвини и дека старите раководни кадри тогаш акцијашки работеле против својата партија.

Груевски во 2003 по препорака на Георгиевски, беше избран за нов лидер на партијата. Тивката војна што тлееше во партијата почна да се разгорува неколку месеци подоцна, а состојбата се вжешти со одбивањето на новото раководство да ја поддржи претседателската кандидатура на Љубе Бошковски.

Денес, се чини дека ВМРО-ДПМНЕ е во слична ситуација, а посебно по отворената појава на фракции кои подолг период бараат промени во партијата и смена на Груевски, како и избор на лидер кој нема да биде негова продолжена рака.

При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот.

За Авторот

Никола Осило

Професионален новинар со повеќегодишно искуство. Новинарството постои за јавноста да се информира, а не за да се контаминира. Факти пред ставови!