Самоубиецот од Хаг кремиран во тајност во Загреб

397 Views Декември 9, 2017 Балкан Никола Осило

Слободан Праљак, поранешен лидер на босанските Хрвати, кој се самоуби при изрекување на пресудата за воени злосторства во Хашкиот трибунал, бил кремиран тајно во Загреб во четвртокот, во присуство само на неколку најблиски роднини и пријатели, соопшти хрватската телевизија ХРТ.

По обдукцијата, при што беше утврдено дека Праљак се отрул со цијанид, телото му било префрлено од Хаг во Загреб, а за кремацијата не е информирано ниту на Интернет страницата на гробиштата Мирогој, во хрватската престолнина.

Пред две години Праљк напишал проштално писмо, во кое ја навел последната желба - да не биде погребан, туку неговата пепел да биде распрсната во Мирогој.

Во понеделник, во 12 часот, е предвидена комеморативна церемонија за Праљак во концертна сала „Ватрослав Лисински“ во Загреб, а подоцна ќе биде отслужена и миса во негов спомен.

Светските медиуми ја критикуваа Хрватска за почестите и вниманието кои му ги придава на Праљак, кој е осуден воен злосторник.

При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот.

За Авторот

Никола Осило

Професионален новинар со повеќегодишно искуство. Новинарството постои за јавноста да се информира, а не за да се контаминира. Факти пред ставови!