„Макошпед“ во загуба од 2,3 милиони денари

166 Views Ноември 14, 2017 Бизнис Никола Осило

„Макошпед“ АД Скопје за периодот јануари – септември 2017 година оствари негативен финансиски резултат од 2.351.000 денари искажан во неревидираниот Биланс на успех, сопшти компанијата преку Македонската берза.

Остварените вкупни приходи за периодот јануари – септември 2017 година изнесуваат 53.202 илјади денари и во споредба со остварените вкупни приходи за истиот период 2016 година бележат намалување.

Оперативните приходи изнесуваат 47.639 илјади денари и бележат намалување во однос на оперативните приходи за истиот период 2016 година. Истите учествуваат со 89,55% во вкупните приходи.

Финансиските приходи изнесуваат 5.563 илјади денари и бележат намалување во однос на финансиските приходи за истиот период 2016 година кога изнесувале 7.339 илјади денари.

Вкупните расходи за периодот јануари - септември 2017 година во износ од 55.487 илјади денари бележат раст во однос на вкупните расходи за истиот период 2016 година. Оперативните расходи во периодот до 30.09.2017 година изнесуваат 54.652 илјади денари и истите се зголемени во однос на истиот период до 30.09. 2016 година.

Финансиските расходи изнесуваат 836 илјади денари и бележат пад во однос на финансиските расходи за истиот период 2016 година кога изнесувале 3.404 илјади денари.

При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот.

Коментари

Тагови

За Авторот

Никола Осило

Професионален новинар со повеќегодишно искуство. Новинарството постои за јавноста да се информира, а не за да се контаминира. Факти пред ставови!