Загадувањето ни ги убива децата: Застрашувачки наоди за болестите на белите дробови во Скопје

11409 Views Ноември 14, 2017 Чиста околина Никола Осило

Амбулантно-поликлиничките здравствени услуги во здравствената заштита на деца на возраст од 0-6 години во 2016 година регистрирани во Скопскиот регион покажуваат вкупно 260.710 случаи на болести и патолошки состојби, со специфична стапка на морбидитет од 4878,8/ 1000, покажуваат податоците на Центарот за јавно здравје.

„Ова значи дека во просек секое дете на оваа возраст било кај лекар околу 5 пати во текот на 2016 година. Во извештајниот период (2010 до 2016 година) стапката на морбидитет има растечки тренд. Во текот на 2016 година евидентирана е највисока стапка на морбидитет за испитуваниот период“, се вели во извештајот.

Оваа година има зголемен број на регистрирани заболувања за 19.787 во однос на 2015 година. Стапката на специфичниот морбидитет е за 7,6 % повисока во однос на минатата година. Почесто во текот на 2016 година боледувале децата од машки пол.

Во вкупниот амбулантно-поликлинички морбидитет на децата на возраст од 0-6 години, во 2016 година, десет водечки групи на болести сочинуваат 96,5 отсто од вкупниот морбидитет

Во дејноста здравствена заштита на мали деца на возраст од 0-6 години се регистрирани вкупно 260.710 конечни дијагнози.

Десетте најчесто дијагностицирани групи на болести опфаќаат 249.338 заболувања регистрирани во оваа возрасна група. Од анализираните податоци може да се констатира дека групата на болести на респираторниот систем сите овие години го завзема високото прво место.

Фото: Zee news

При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот.

Коментари

Тагови

За Авторот

Никола Осило

Професионален новинар со повеќегодишно искуство. Новинарството постои за јавноста да се информира, а не за да се контаминира. Факти пред ставови!