Во неколку земји од продажба се повлекуваат производи на „Лакталис“

1103 Views Декември 10, 2017 Свет Редакција Емагазин

Француската Влада денеска соопшти дека издала наредба за повлекување од продажба на млеко и млечни производи на компанијата „Лакталис“ во Франција и во странство, поради стравување дека постои опасност тие да се заразени со салмонела.

Според Париз, станува збор за „огромни“ количества на млеко и млечни производи од францускиот прехранбен гигант.

Во соопштението е наведена листа на над 600 производи на „Лакталис“, кои се повлечени од продажба и е забранета нивна косумација и извоз.

Покрај во Франција, млекото и млечните производи за кои постои сомнеж дека содржат салмонела, меѓу останатите земји, се продавале и во Алжир, Бангладеш, Велика Британија, Грузија, Грција, Кина, Мароко, Перу, Пакистан и Романија. 

МИА

При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот.