На кој му треба министер за здравство, и онака сите ќе умреме

744 Views Ноември 14, 2017 Мој став Петре Димитров

Колку новата Влада е сериозна во решавањето на клучните прашања за граѓаните како што е на пр. здравјето (нели од него нема поважно), покажа пластично со „игранката“ за тоа кој ќе биде новиот министер за здравство.

Прво надежниот министер за здравство, Арбен Таравари ни држеше ПР лекции, па потоа реши да го лечи Гостивар, па неговиот лидер Зијадин Села распали по коалициониот партнер Зоран Заев (а богами и Таравари во овој дел не се штедеше), па драма, де Села ќе ја напушти Владата, де нема да ја напушти...

За да биде работава цело е кога има се, се погрижи и ДУИ, која додаде зачин во здравствената манџа, демек тие немало да подржат било каков министер за здравство, а и СДСМ не остана покуса па пушти водичка по медиумите „као“ министерот можеле и тие да назначат.

И на крај хепи енд, Села и Заев ќе се дружат и понатаму, ама министер за здравство се уште немаме

„Ваљјда“ него го чуваат за втората сезона.

Сценаристите на турските серии вода може да им носат.

И додека сите тие си играат со здравјето на граѓаните и на сите ни покажаа дека нивните политички интереси се на прво место, проблемите во здравството секојдневно се зголемуваат (а одамна чашата овде е прелиена), и за жал некои од граѓаните нема да бидат во можност да ги почуствуваат сите бенифети на „животот“ кој ќе ни го донесе новата Влада.

Ма на кој му треба министер за здравство, и онака сите ќе умреме. Додека да ни дојде судниот ден, ќе си собираме пари сами по социјалните мрежи за да си ги лечиме децата, за да се спасат бебињата ќе се молиме на Господ, за подобрување на условите во болниците ќе се крстиме во ЕУ, за лековите што фалат ќе почекаме, ништо страшно, па кој ќе дочека, ќе раскажува што се случило во третата сезона.

Живот за сите или за неколкумина околу и во власта, за кои парите не се проблем, па ќе се лечат во странство, зошто како што и тие самите секој ден ни кажуваат здравството не ни го бива.

При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот.

Коментари

Тагови

За Авторот

Петре Димитров

Професионален дипломиран новинар со долгогодишно искуство. Најмногу сака да патува и да прави возбудливи репортажи, но за да јавноста биде објективно информирана следи и бизнис и политика.