Семејствoто на убиениот Јусуфи од Љуботен, бара 1 милион евра oтштета од Тарчуловски и државата

Елмаз и Зенеп Јусуфови, синови на убиениот Рами Јусуфов од Љуботен во воениот конфликт од 2001 година отворија судски процес против државата Македонија и пратеникот на ВМРО-ДПМНЕ, Јохан Тарчуловски и бараат отштета од 1 милион евра.

Денеска во Основниот суд Скопје 2 е закажано ново судско рочиште за овој случај.

На претходното, Тарчуловски не се појави во судот, а сега е во куќен притвор за настаните во Собранието од 27. април.

Јусуфови сметаат дека по пресудата на Судот во Хаг, со која Тарчуловски е осуден за воени злосторства врз цивилно население во скопското село Љуботен, тие имаат право на надомест на штета.

Тарчуловски беше осуден на казна затвор во траење од 12 години.

Фото: Фејсбук/Јохан Тарчуловски

При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот.