Една година од парламентарните избори: Колку се реализираше „Планот за живот“ на СДСМ

На 11. декември минатата година, односно точно пред една година се одржаа предвремените парламентарни избори по кои после десет години дојде до промена на власта.

Процесот на примопредавање на власта одеше споро, а следеше откако ВМРО-ДПМНЕ, иако имаше најмногу гласови на изборите, не успеа да формира коалиција со ДУИ, која реши да влезе во владина коалција со СДСМ и Алијанста за Албанците.

Владата на Зоран Заев шест месеци владее ефективно и веќе се соочи со големи предизвици.

За шест месеци се променија многу работи, се носат нови, а се укинуваат стари закони, и се спроведува „Планот за живот“ кој СДСМ го вети во предизборната кампања, но реално за сега обичните граѓани од сето тоа почуствуваа многу малку.

Можеби шест месеци не се доволни за да реализираат сите ветувања, но за потесетување, еве што се вети Заев во „Планот за живот“ и колку од тоа е досега остварено.

Од најголемите ветувања кои што се реализираа е зголемувањето на минималната плата на 12.000 денари, а за ветената просечна плата од 30.000 денари ќе треба да почекаме.

За сега голем дел од ветувањата не се реализирани.

Дел од ветувањата во „Планот за живот е и финансиската подршка од 140 милиони за домашните компании, како и зголемување на платите во здравството и образованието.

Едно од ветувањата е и дека во првата година од мандатот ќе има стимулација од 20 милиони евра за малите и средни претпријатија, како и можност за отварање на фирма со само 1 евро основачки капитал и кредити до 15.000 евра со само 1 процент годишна камата, за отворање микро бизнис и грантови од по 10.000 евра неповратни средства за млади луѓе со добра бизнис идеја.

Исто така, едно од ветувањата е дека секој млад човек кој ќе добие понудда за вработување, ќе има можност да го продолжи образованието, да добие пракса или тренинг за подготовка за вработување, во период од четири месеци по завршување на школувањето.

Ветување беше и дека државата ќе помогне на компаниите (ИТ, телекомуникации, архитектура) со покривање до 50% од трошоците за опрема неопходна за нова инвестиција до 50.000 евра.

Ветување беше и помало работно време за повозрасните работници- работничките од 60 години и работниците од 62 старост да работат по 6 часа, до пензија, без да им се намали платата.

Меѓу ветувањата кои делумно или целосно се остварени е и поврат на 15 проценти ДДВ, праведен даночен систем односно воведување на прогресивен данок, намалување на јавните давачки, враќањето на евтината струја, укинувањето на радиодифузната такса...

Целиот „План за живот“ може да го видите ТУКА.

Фото: СДСМ

При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот.