„Гугл“ скрил 19,2 милијарди долари на Бермудите

793 Views Јануари 3, 2018 Свет Редакција Емагазин

Американската компанија Гугл префрлила 19,2 милиајрди долари на Бермудите во 2016 година што им овозможило заштеда на повеќе од три милијарди долари на даночна основа.

Користејќи даночни „дупки“, Гугл префрлил седум отсто повеќе пари отколку во 2015 година, остварувајќи заштеда од 3,7 милијарди долари, објави Економик тајмс.

За да „заштити“ профит остварен во странство од одданочување, речиси сиот приход од една филијала во Ирска, Гугл го префрлил на компанија во Холандија (без вработени) и потоа на Бермудските Острови, каде на компаниите не им се наплатува никаков данок.

И покрај критиките за таквата даночна шема, праксата на Гугл е целосно законска.

– Ние ги плаќаме сите даноци во согласност со даночните закони во секоја држава во светот во која работиме, нагласува портпарол на Гугл во изјава за американски медиуми. 

МИА

При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот.