Шилегов: Годинава гасификација во деловите на Скопје кои не се опфатени со централно греење

449 Views Февруари 13, 2018 Локално Никола Осило

Градоначалникот на Скопје Петре Шилегов денеска изјави дека очекува годинава да почне гасификацијата на градот во деловите кои не се опфатени со централното греење и да се зголеми енергетската ефикасност на објектите кои се под градот Скопје.

Шилегов најави дека во врска со тоа в четврток ќе има состанок со градоначалниците на скопските општини и со Секторот за енергетика.

„Едноставно тоа е борба во која веќе востановената и утврдената стратегија од моја страна како градоначалник во соработка со другите институции започнуваме да ја имплементираме и очекуваме на среден рок дека Скопје веќе нема да биде загаден град“, рече Шилегов.

Посочи дека отвориле фронт на повеќе среднорочни мерки меѓу кои е и режимот на функционирање на возилата, очекуваат да имаат целосна поддршка од Министерството за внатрешни работи и дефинитивно промена на концептот на загревање на домовите во градот Скопје како еден од главните причинители на аерозагадувањето.

Фото: СДСМ

При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот.

За Авторот

Никола Осило

Професионален новинар со повеќегодишно искуство. Новинарството постои за јавноста да се информира, а не за да се контаминира. Факти пред ставови!