Димитров: Се надевам на чиста препорака, едвај чекам да го прочитам извештајот на ЕК

Се надевам дека ќе имаме чиста препорака за отпочнување преговори за членство во Европската унија, порача вечерва шефот на македонската дипломатија Никола Димитров, во своето обраќање пред учесниците на регионалната конференција по повод 10-годишнината од формирањето на Европскиот фонд за Балканот што се одржува денеска и утре во Белград.

Тој нагласи дека едвај чека да го прочита извештајот на Европската комисија, кој треба да биде објавен утре.

- Во последниот извештај на Фридм хаус за нациите во транзиција беше наведено дека Македонија е земја, кај која е забележан најголем демократски пробив во Европа. Беше кажано земјата е мала, но можностите се големи, што двојно го зголеми моето ниво на адреналин и ентузијазам, рече Димитров. 

Нагласи дека интегрирањето во ЕУ треба да се гледа регионално и оти земјите треба да бидат свесни за нивната меѓусебна поврзаност.

МИА

При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот.