(ВИДЕО) Силно невреме го „потопи“ Солун

Силна бура со грмотевици, проследена со град, го погоди попладнево Солун, при што градската противпожарна спасувачка служба примила повеќе од 300 повици за помош.

Спасена е една жена, која била однесена од порој. Продолжува и спасувањето на лица, кои поради високото ниво на водата останаа заглавени во своите автомобили на еден мост.

Многу продавници и куќи, како и Градското собрание, се поплавени по обилниот дожд, кој улиците ги претвори во реки. 

Во некои делови на градот нема електрична енергија, а поради гром, кој удри на меѓународниот аеродром во Солун, од претпазливост накратко беше прекинато дополнувањето на авионите со гориво.

МИА/Фото/видео:R Thess/Thestival Gr

При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот.