Црн биланс: Во протестите во Газа загинаа 58 лица, а 2.700 се повредени

Бројот на убиени учесници на протестот на граничната ограда меѓу Појасот Газа и Израел, што се одржа за време на отворањето на Амбасада на САД во Ерусалим, се искачи на 58, додека 2.700 луѓе се повредени, соопшти палестинското Министерството за здравство.   

На учесниците на протестот рани им биле нанесени со боева муниција, солзавец и други средства. 

Со овој број жртви, понеделникот е најкрвавиот ден за Палестинците од почетокот на судирите во Појасот Газа во 2014 година, меѓу палестинското движење Хамас и Израел.

САД вчера официјално ја отворија амбасадата во Ерусалим, која беше преместена од Тел Авив.

Израелската војска тој ден фрлаше летоци, со кои порача дека „ќе реагира на секој обид за оштетување на безбедносната ограда или обид да се повреди кој било војник на израелските одбранбени сили (ИДФ) или на израелските цивили“.

Повеќето учесници на протестот се потомци на бегалци или бегалци кои се протерани во Појасот Газа во текот на војната на Блискиот Исток 1948 година, по формирањето на Израел како држава. 

МИА/Фото: АП

ПРОЧИТАЈТЕ ГИ И ОВИЕ СТОРИИ

Американскиот државен секретар Помпео: Умесно е што САД го признаа Ерусалим за престолнина на еврејската држава

Турскиот премиер Јилдирим: САД и Израел се соучесници во злосторство против човештвото

Бројката расте: Во судирите во Појасот Газа загинаа најмалку 52 Палестинци

(ВИДЕО) Крваво отварање на американската амбасада во Еурсалим: На границата во Газа убиени најмалку 41. Палестинци

При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот.