Богат плен: Украдени над 20 илајди евра од куќа во Гостивар

Крадци од куќа во Гостивар вчеравечер одзеле над 20 илјади евра додека домаќините биле излезени од домот.

Според СВР Тетово, тешката кражба се случила вчеравечер на 19 мај во периодот од 18 до 1 часот и 45 минути по полноќ на улица „Балиндолска“ во Гостивар.

Во овој период, засега непознати сторители провалиле во куќата на гостиварецот С.Б. (51). Во внатрешноста влегле откако го скршиле прозорецот во приземјето и од две места во кујната и спалната одзеле вкупно парични средства во износ од милион и 200 илјади денари.

По пријавувањето полицијата извршила увид и работи на расветлување на случајот и на откривање на сторителите.

При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот.