Димитров: Договорена рамка за компромис за името

Никос Коѕиас и Никола Димитров до доцна синоќа преговарале и постигнале рамка за компромис за името.

-Имавме продуктивна средба, имаме рамка што треба да се доработи и на неа во моментов правни тимови од двете министерства во Атина работат, се планира важен разговор на премиерско ниво, Заев со Ципрас кон средината на оваа недела, каде се надеваме дека ќе се пресечат некои важни работи од опциите што се во игра, изјави Димитров.

- Мислам дека тоа треба да го оставиме на премиерите. Видовме колку комуникациите околу процесот влијаат врз него, го имаме веќе тоа искуство да му дадеме шанса на процесот, изјави Димитров за МИА.

Шефот на македонската дипломатија утрово имаше неформален појадок со министри за надворешни работи на ЕУ или нивни заменици. Франција и Холандија биле најтврди во однос на почетокот на преговори, како што беше очекувано. Но, министерот смета дека “чуда се можни“.

-Убаво е да знаеме дека ова не е едноставно... Внатрешната консолидација во ЕУ е комплементарна а не спротивна на консилидацијата на Балканот, а доколку се случи овој историски пробив ќе биде шанса и за цела Европа да се создаде успех. Не сме во ситуација да имаме луксуз да пропуштаме историски шанси, изјави Димитров за МИА. 

МИА/Фото: МНР

ПРОЧИТАЈТЕ ГИ И ОВИЕ СТОРИИ

Грчки владини извори: Ништо не е завршено, трпение и смиреност до Самитот во јуни

Коѕијас: Конечниот договор за името во рацете на Заев и Ципрас 

Ќе му донесе ли „омилениот костум“ среќа на Димитров во Брисел?

Заев и Ципрас телефонски разговарале за имплементација на ерга омнес за име од предлозите на Нимиц

При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот.