„LG“ го претстави новиот смартфон „Q-Stylus“

485 Views Јуни 6, 2018 Техно Никола Осило

„LG“ официјално го објави својот нов „Q-Stylus“ смартфон од средна класа. Тој ќе биде достапен во три варијанти со имиња „Q Stylus“, „Q Stylus +“ и „Q Stylusα“.

Екранот е со дијагонала 6,2 инчи и FHD + резолуција, а процесорот е 8-јадрен со работен такт од 1.5 или 1.8 Ghz во зависност од соодветниот модел. „Stylus“ и „Stylusα“ ќе се нуди со 3 ГБ РАМ и 32 ГБ РОМ, додека „Stylus +“ ќе биде соодветно со 4 ГБ РАМ и 64 ГБ меморија за апликации.

Во однос на камерата, „Stylus“ и „Stylus +“ нудат 16-мегапикселна главна камера и соодветно 8- или 5-мегапикселен сензор за селфи фотографии, додека моделот „Stylusα“ е опремен со сензори со резолуција 13 и 5 мегапиксели. Трите варијации се со големина 160.15 x 77.75 x 8.4 мм и нудат додатоци како сензор за отпечатоци, „QLens“ и „DTS: X 3D surround“ звук.

Нивните батерии имаат капацитет од 3.300 милиампер часови. „Stylus“ и „Stylus +“ пак имаат ИП68 сертификација, што значи дека се отпорни на прав и вода.

Сите три модели доаѓаат со игла, што може да се разбере од нивното име.

Оперативниот систем е Андроид 8.1 Oреo.

Достапните бои ќе се сина (и кај трите модели), црна („Stylus“ и „Stylus +“) и виолетова („Stylus +“).

Во моментов уредите ќе бидат пуштени во Азија и Северна Америка, а во третиот квартал ќе се појават и во други региони. На одделни пазари нема да бидат достапни трите варијанти.

Цените исто така ќе бидат познати подоцна.

МИА/Фото:pocketnow.com

При објавување на материјали од порталот emagazin.mk во друг медиум, задолжително поставете активен линк кон страницата од која е преземен текстот.

За Авторот

Никола Осило

Професионален новинар со повеќегодишно искуство. Новинарството постои за јавноста да се информира, а не за да се контаминира. Факти пред ставови!

Најчитани вести