еМагазин
Image default
Македонија ТОП СТОРИИ

Во 4 министерства и 43 општини јавните набавки се спроведуваат со ниско ниво на заштита од корупцијата: Рангирање на ЦГК

Центарот за граѓански комуникации (ЦГК) направи рангирање на институциите според антикорупциските перформанси во јавните набавки.

Во рангирањето се опфатени Владата, министерствата и општините според 32 индикатори за антикорупциските перформанси во јавните набавки.

Институциите се сместени во три зони – црвена, жолта и зелена зависно од освоените поени за начинот на којшто ги спроведуваат јавните набавки. 100% значи максимална, а 0% никаква заштита од корупција.

Според рангирањето 4 министерства и 43 општини се наоѓаат во црвената зона, односно нивните јавни набавки се спроведуваат со ниско ниво на заштита од корупцијата, бидејќи имаат освено помалку од 50%.

Ниту една институција не се наоѓа во зелената зона, на висока заштита од корупција, со остварување на антикорупциските перформанси од над 80%.

Најголема изложеност на корупција имаат Министерството за образование и наука, Министерството за внатрешни работи, Министерството за животна средина и просторно планирање и Министерството за политички систем и односи меѓу заедниците, покажува рангирањето.

Кај општините, најниско ниво на остварување на антикорупциските перформанси во јавните набавки е утврденo кај Кратово и Гостивар. Во црвената зона е и Градот Скопје, како и 40 други општини.

Најдобри перформанси кај министерствата имаат Министерството за одбрана и Министерството за земјоделство, шумарство и водостопанство, со ниво на остварување на антикорупциските перформанси од 72%.

Кај општините, најдобри антикорупциски перформанси во јавните набавки има Општина Кавадарци, со 70%, како и Велес и Пробиштип, со 66%.

-Ниското ниво не мора по секоја цена да значи корупција во јавните набавки на таа институција, туку дека не се преземаат сите можни мерки кои треба да ја спречат, и оттука можноста таа да се случи во овие институции е повисока, велат од ЦГК.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Судењето на Канческа-Милевска за „Тендери“ повторно одложено, не било готово супервештачењето

Редакција

Сите знаеле што прави Мерко ама никој не го спречил

Редакција

Кирацовски: Не знам кој е Кики, вие мислите дали станува збор за мене?

Редакција