еМагазин
Image default
БЕСПАРИЦА ТОП СТОРИИ

Инфлацијата во јуни 3,2%

Индексот на трошоците на животот во јуни 2024 година, во однос на јуни 2023 година, бележи зголемување од 3,2 %, додека индексот на цените на мало бележи зголемување од 4,1 %, објави Државен завод за статистика.

Инфлацијата мерена преку индексот на трошоците на животот во јуни 2024 година, во однос на мај 2024 година, изнесува -0,3 %.

Намалувањето на инфлацијата во јуни 2024 година, во однос на мај 2024 година, е резултат на намалувањето на трошоците на животот во следните групи: транспорт за 4,2 %, комуникации за 0,4 %, храна и безалкохолни пијалаци за 0,3 %.

Во јуни 2024 година, во однос на мај 2024 година, зголемување на трошоците на живот е забележано во следните групи: здравје за 1,2 %, разновидни стоки и услуги за 0,9 %, ресторани и хотели за 0,7 %, рекреација и култура за 0,5 %, домување, вода, електрика, гас и други горива за 0,3 %, мебел, покуќнина и одржување на домаќинствата за 0,2 %, облека и обувки за 0,1 %.

Трошоците на животот во групите алкохолни пијалаци, тутун и наркотици и образование остануваат на исто ниво како и во претходниот месец.

Индексот на цените на мало во јуни 2024 година, во однос на мај 2024 година, изнесува 99.1.

Фото: Унсплеш

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Ако не се признае „историската вистина“ и тоа не влезе во преговарачката рамка, нема ЕУ, порачува Захариева

Редакција

Го советувал и Груевски: Кој е Азир Алиу, кандидатот за министер за информатичко општество и јавна администрација на Алијанса за Албанците

Редакција

30 дена притвор за поранешниот претседател на Кривичен, Владмир Панчевски

Редакција