За бизнисменот Нефи Усеини, поранешен кадар на опозициската ДУИ во Општина Охрид е поднесено обвинение за дивоградба во центарот на Охрид.
Основното јавно обвинителство Охрид поднесе Обвинителен акт против него и уште едно лице за кривично дело – Бесправно градење согласно член 244-а став 1 од Кривичниот законик.
-Осомничените на возраст од 49 и 48 години, како соизвршители, на 27. јули оваа година започнале да градат објект на нивно земјиште, без одобрение за градба издадено од надлежен орган.
На постоечкиот објект во центарот на Охрид изградиле доградби од северната страна, во сутеренот, приземјето и на катот, проширувајќи ги со армирани бетонски плочи и столбови, по што продолжиле да го надградуваат објектот со две армирано бетонски плочи со кои ја зголемиле неговата катност, велат од Обвинителството.
Против првиот обвинет во овој предмет се води судска постапка за уште едно бесправно градење во центарот на Охрид.
ПОВРЗАНИ ВЕСТИ
Нефи Усеини од ДУИ веќе не е советник во Советот на Охрид, поднел оставка од лични причини
Фото: Фејсбук/Усеини