Од денеска до сабота во Паркот на Франкофонијата во Скопје ќе се одржи 13. издание на најстариот пивски фестивал, Пиволенд.
На посетителите ќе им се понудат повеќе од 30 разновидни брендови на пива, повеќе од 100 видови индустриско и занаетчиско пиво, вкусни деликатеси, а ќе настапат и повеќе од 40 музичари.
На главната сцена ќе настапат Бадминтонс, Морал, Паркети, Викеда, Д Далтонс, Пичвајз, Занаду, Деменси, Гуру Харе Бенд, Диџеј Славе, Бело Копче, Огнен Здравковски, Културно Уметнички Работници и многу други.
За најмладите во сабота е подготвена и дневна програма, а на сцената ќе свират млади бендови од училиштата „Ентерпрајз“ и „Мјузик лаб“.
Почетокот на фестивалот е денеска од 18:00 часот.
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.