Општина Тетово донесе решение за рушење на крстот во дворот на манастирскиот комплекс Свети Наум Охридски Чудотворец на Попова Шапка, а истото веќе го добиле во Тетовско-гостиварската епархија.
Од таму најавија дека ќе поднесат жалба.
-МПЦ ОА Тетовско-гостиварска епархија, своите права во насока на разрешување на даденото прашање ќе ги штити преку достапните правни механизми.
Апелираме до граѓаните да не подлегнуваат на зачестените провокации и да бидат посветени на мирот и добрите меѓурелигиски односи, велат од Тетовско-гостиварската епархија, каде поставениот крст го сметаат за урбана опрема, на приватен имот.
Крстот беше поставен на 16. ноември на земјиште сопственост на МПЦ-ОА и храмот Свети Наум Охридски Чудотворец.
ПОВРЗАНИ ВЕСТИ
(Видео) Симнато знаме на МПЦ од храмот на Попова Шапка и ставено знамето на Албанија
23-годишник од Мала Речица е вториот осомничен за симнувањето на знамето на МПЦ на Попова Шапка
Фото: Телма