Скопје добива нова доза на гламур и стил!
Со задоволство најавуваме дека во Рамстор мол повторно се отвори продавница на светски познатиот италијански бренд MAX&Co.
MAX&Co. е синоним за боја, текстура и креативност, создаден за сите модни ентузијасти со беспрекорен вкус. Во текот на оваа есен/зима, покрај редовната колекција со високо квалитетни парчиња во топли есенски тонови, ќе имаме чест да ви ја претставиме и ексклузивна капсулна колекција во соработка со Ричард Квин.
Richard Quinn & MAX&Co.: &Co.llaboration – MAi.
Креирана од светски познатиот дизајнер Ричард Квин, колекцијата претставува уникатен спој на гламурот инспириран од научно-фантастичните филмови од 60-тите и футуристичка естетика обликувана од вештачка интелигенција.
Ричард Квин е познат по своите раскошни цветни дезени, впечатливи вечерни силуети и уникатни горни облеки. Лондонскиот дизајнер, со искуство стекнато во Christian Dior и Savile Row, ја започнал својата самостојна модна приказна во 2017 година. Со комбинација на иновативни материјали и дезени, неговите колекции се вистински спектакл.
Нашиот професионално обучен тим ве кани да зачекорите во живописниот свет на MAX&Co. и да го искусите најдоброто од италијанската мода.
Не пропуштајте ја можноста да ја посетите нашата нова продавница во Рамстор мол и да откриете парчиња кои ќе го трансформираат вашиот стил.
Погледнете ја иднината на модата – ве очекуваме!
ПР-објава