еМагазин
Image default
Локално ТОП СТОРИИ

Сите гимназии во Скопје се пополнети во првиот уписен рок, места останаа само во Корчагин

Слободни места за упис од гимназиите кои се наоѓаат на територија на Скопје и тоа за вториот уписен рок има само во СУГС „Раде Јовчевски Корчагин“, околу 60 места, соопштија од Министерството за образование и наука.

Конкурсот за запишување ученици е завршен за гимназиско образование во „Никола Карев“, „Јосип Броз Тито“, „Георги Димитров“ и „Орце Николов“.

Тестирање за упис во средно годинава има во две училишта во Македонија, по објавувањето на ранг-листите по првото пријавување на учениците. Првото пријавување се реализира од 20 до 25. јуни, а на 26. беа објавени ранг-листите.

Вчера имаше квалификациско тестирање во СУГС „Д-р Панче Караѓозов“ – Град Скопје, здравствена струка за образовните профили фармацевтски техничар, медицинска сестра и забен техничар на албански наставен јазик и во СОУУД „Димитар Влахов“ – Струмица, здравствена струка за образовниот профил медицинска сестра, на македонски наставен јазик.

Финалните ранг-листи покажуваат дека во првото пријавување се пријавиле 15.786 ученици, а се запишале 13.882. Според видот на образованието, во првото пријавување запишани се вкупно 4.316 ученици во гимназиско образование и 9.566 ученици во стручно образование.

Слободни места за второто пријавување има за вкупно 17.272 ученици. Во гимназиско образование има 4.878 слободни места, додека во стручно образование 12.394.

Ранг-листа на запишани ученици се објавува на 3 јули 2024 година на јавно место во училиштето и/или на училишната интернет-страница, до 09 часот.

Пријавувањето за упис во средно се одвива електронски, односно учениците треба да пополнат е-пријава. Потоа, сите документи треба да ги однесат во хартиена форма во училиштата.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Шведска ќе ги ограничи социјалните бенефиции за имигрантите кои не се од Европа

Редакција

Почит кон своите корени: Предпремиера на „Македонисимо“ на Трпчески во струшкото село Збажди

Редакција

МВР: Посебен сообраќаен режим за „Парадата на гордоста“ и маршот „Сведоштво за семејство“

Редакција