еМагазин
Image default
Спорт

Спасеновски од „Макпетрол“ добро се претстави на Светската карате лига во Париз

Членот на клубот „Макпетрол“, Петар Спасеновски, прикажа добри борби на Светската Карате 1 Премиер лига во Париз, Франција. Тој беше близу до пласман во четвртфиналето.

Спасеновски имаше одлична борба со Андриј Торашанко од Украина која заврши 2-2, а победата му избега на две секунди пред крајот.

И во вториот настап, исто така, прикажа добра борба и беше близу до победата и при водство со 3-2, а по преглед на акција, загуби 3-4 од Јапонецот Јунја Ето.

Во третата борба, со Германецот Јане Хауболт, не дозволи изненадување и славеше со 3-1. На крајот го зазеде второто место во групата. Прво место му припадна на Ето (Јапонија).

На Премиер лигата настапуваат 32 најдобри каратисти во светот. Во елиминацискиот дел секој спортист има три задолжителни борби во својата група. Потоа само прворангираниот во групата ги продолжува борбите во четвртфиналето. Во Париз учествуваат вкупно 380 каратисти од 70 држави.

Тренерот на „Макпетрол“, пак, Петар Заборски на првенството во Париз успешно го положи испитот за највисока тренерска лиценца која се издава од WKF (Светската карате федерација).

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Галерија) „Малешевска Корија – Спорт авантура 2020“: Во Берово се возеа велосипеди низ убавите планински предели

Редакција

Престанува забраната за одржување спортски натпревари: Ќе се игра без публика

Редакција

Македонија изгуби од Австрија, следниот натпревар го играме со Украина

Редакција