Цветанка Невчева ја доби наградата „Бели мугриˮ за поетска книга на млад автор до 35 години, која ја доделува ЈУ Дом на култура „Кочо Рацинˮ и истата е дел од Едицијата: „Бели мугриˮ 2024.
Стихозбирката „Исихијаˮ ќе биде промовирана на 4. декември (среда) во 19 часот во ЈУ Дом на култура „Кочо Рацинˮ- Скопје, каде ќе се одржи Книжевната манифестација „Деновиˮ, која установата ја организира во чест на раѓањето на македонскиот поет и револуционер Кочо Рацин.
„Слушни ја тишината во тебе, за да се осознаеш самиот себе. Тишината си ти!,“ е пораката на стихозбирката „Исихијаˮ до читателите.
Стихозбирката „Бели мугриˮ од Кочо Рацин излезе од печат пред 85 години. По тој повод Филип Димкоски состави рецитал од неколку песни од стихозбирката „Бели мугриˮ. Рециталот ќе биде изведен во рамките на манифестацијата “Деновиˮ од страна на актерите: Марина Поп Панкова и Христијан Поп Симонов. Свој музички настап ќе има и гудачкиот квартет – Пламенка Трајковска.
Промотивна објава