еМагазин
Image default
ЖИВОТ ТОП СТОРИИ

Таравари изнесе низа пропусти во лекувањето на 14-месечното бебе кое почина на Детската клиника

Министерот за здравство Арбен Таравари изнесе низа пропусти во лекувањето на 14-месечното бебе во Клиниката за детски болести и Клиниката за белодробни заболувања кај децата „Козле“.

Во извештаите биле констатирани системски, технички и стручни недостатоци. Еден од нив е што е направен превид во проценката за потреба од хоспитализација при вториот преглед на бебето на Клиниката за детски болести извршен на 3. октомври годинава. Бебето не било навреме воведено во третман за респираторна и кислородна поддршка, односно на механичка вентилација.

„Во делот на системски недостатоци констатирано е непостоење на препораки или алгоритми за тријажа на пациентите при прием и понатамошен третман.

Во однос на техничките недостатоци во болницата во „Козле“ е констатирана потреба од соодветна апаратура за пружање респираторна поддршка, инвазивна и неинвазивна. Констатирана е потреба од обезбедување на видео ларингоскоп на Детската клиника, како и организирање на транспортот на пациентите од една во друга установа.

Во „Козле“, е констатирана неадекватна и ненавремена проценка за тежината на респираторните тешкотии и третманот,“ изјави Таравари.

Извештајот од Комисијата ќе биде испратен до Клиниката за детски болести и до Клиниката за белодробни заболувања кај децата „Козле“, како и до Етичката комисија на Лекарската комора.

ПОВРЗАНИ ВЕСТИ

Бебето кое почина од респираторна инфекција било одбиено за хоспитализација на Детска клиника, потврди Таравари

Фото: МЗ

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Филмот „Џокер“ ја стресе Грција: Полиција упадна во две кина и вадеше малолетници

Редакција

„Енерџи актив“ го доби милионскиот тендер на Македонски железници – Транспорт за набавка на струја

Редакција

Почина 20-годишен радовишанец, му се слошило откако го уапсиле за поседување марихуана

Редакција