Таткото на момчето кое изврши масакар во училиште во Белград доби 14 години затвор, а мајката три

Родителите на 14-годишниот Коста Кецмановиќ, кој лани во мај уби девет ученици и еден чувар во основното училиште „Владислав Рибникар“ во Белград, Србија, се прогласени за виновни и двајцата добија затворски казни, пренесуваат српските медиуми.

Владимир Кецмановиќ, доби казна од 14 години и шест месеци затвор, а неговата сопруга Миљана Кецмановиќ, три години затвор.

Владимир Кецмановиќ е прогласен за виновен поради предизвикување општа опасност затоа што непрописно чувал оружје и муниција, со што му овозможил на својот син да изврши масовно убиство.

ПОВРЗАНИ ВЕСТИ

На чаура пронајдена ДНК од мајката: Обвинение за родителите на Коста Кецмановиќ кој изврши масовно убиство во училиште во Белград

Миљана Кецмановиќ е осудена за незаконско држење на оружје и експлозивни направи откако на еден од куршумите собрани во училиштето беше пронајдена нејзина ДНК.

Двајцата се прогласени за виновни и за кривичното дело злоставување и занемарување на малолетно дете.

Затворска казна од една година и три месеци доби и Немања Маринковиќ, инструкторот во стрелиштето каде што Коста учел да пука.

ПОВРЗАНИ ВЕСТИ

Мајката и сестрата на масовниот убиец од белградското училиште се обиделе да ја напуштат Србија и заминат во Македонија

Привремено одземен имотот на таткото на масовниот убиец од белградското училиште на барање на семејствата на жртвите

Уште една жртва на пукањето во белградското училиште: Почина тешко ранетото девојче

Фото: Унсплеш