еМагазин
Image default
Забава

Фестивалот Златни денови Кратово почнува на 5. јули

Следниот петок, 5. јули сите патишта ќе водат до еден од најстарите градови во Македонија и на Балканот – Кратово, затоа што следуваат Златни денови, денови за паметење.

„Од 2014 година па се до денес, Кратово е буден сведок на најдобрите забави и домаќин на илјадници посетители од Македонија и од регионот, кои на Златни денови ги создале најубавите летни спомени.

Во духот на добрата забава и традицијата, Златни денови Кратово 2024 одново ќе ја докаже посветеноста и лојалноста кон публиката, благодарение на одличната музичка програма,“ велат организаторите.

Првата фестивалска вечер е во петок, 5. јули градот ќе заживее во ритамот на најубавата македонска музика, благодарение на сите реномирани музички уметници кои ќе настапат.

Честа за остварање на фестивалот ја имаат Кратовски тамбураши, а забавата ќе продолжи со Трио Тајфа, Распеани кичевчани, мераклиите од Мерак меана, односно Блага Петреска, Влатко Миладиноски, Дамјан Стојаноски, Благоја Грујовски, Кате Брезева Соната, Златко Миладиноски, Елена и Лазар Наумови.

Веднаш потоа публиката ќе има можност да се забавува на настапот на Brass Brothers и диџеј.

Во текот на фестивалот, домаќин ќе биде Лила Филиповска.

Во сабота, 6. јули први настапуваат Б.А.Д, локален рок бенд, а атмосферата дополнително ќе ја загреат Ana&The Girls.

Ѕвезда на вечерта ќе биде една од најголемите балкански ѕвезди Данијела Мартиновиќ, која ќе обезбеди одлична забава и ќе приреди незаборавно фестивалско искуство за целата публика.

Златни денови Кратово 2024 ќе заврши со диџеј Жак и со настапот на еден од најактуелните и најпопуларни музички артисти Пајак.

Промотивна објава

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Видео+Галерија) Сара Мејс го извади „Копито(то)“ на Принц

Редакција

Вечерва можеби за последен пат Македонија настапува на Евровизија, МРТ најави можност од следната година повеќе да не учествуваме

Редакција

(Видео) Милениците на публиката „Дупер“ со нова песна и видео

Редакција