На Клиниката за онкологија почина пациент на 51 година од Прилеп, информираа вчера од Министерство за здравство.
На оваа клиника ова е втор пациент кој починува од корона вирусот, откако таму има заболен медицински персонал.
На Клиниката за инфективни болести и фебрилни состојби пак почина пациент од Скопје на 50 години, хоспитализиран на 6 април, а пациентот 17 дена бил на механичка вентилација.
Со овие податоци од вчера, вкупната бројка на починати од вирусот во Македонија изнесува 73.
Детали за новопочинатите соопшти и Институтот за јавно здравје (ИЈЗ)
„Кај починатите лица биле присутни симптоми и истите биле хоспитализирани.
Кај еден од нив се регистрирани коморбидитети (хронична/здравствени состојби, н.з.).
Двата случаи се без историја на патување, а еден од нив имал контакт со веќе потврден случај во државата“, стои во анализата на ИЈЗ, која еМагазин секојдневно ја пренесува.
ПОВРЗАНИ ВЕСТИ
Раст: 235 здравствени работници заболени од коронавирусот, оздравени 88
8 од новозаболените со коронавирусот во Македонија со претходни заболувања