еМагазин
Image default
Македонија ТОП СТОРИИ

25 дена молк од македонските власти за скандалозното бегство на Груевски

И по 25 дена откако поранешниот македонски премиер, Никола Груевски на својот Фејсбук профил соопшти дека е во Унгарија (13 ноември) и дека таму ќе бара политички азил, кој во меѓувреме веќе го доби, молк од македонските институции за овој голем скандал.

Периодот е подолг за уште неколку дена, ако се смета дека Груевски ја напуштил Македонија на 10 ноември.

Сите земји од регионов низ кои била “маршутата“ на неговото бегство (Албанија, Црна Гора и Србија) излегоа со официјални информации и детали, а единствено нема информации за тоа како побегнал, кој му помогнал и кога ја напуштил Македонија, од ниту една македонска институција: Министерството за внатрешни работи (МВР), Бирото за јавна безбедност, Министерството за надворешни работи, Управата за безбедност и контраразознавање, Финансиската полиција, Јавното обвинителство…

Она што и е познато на јавноста е дека се водат две истраги во МВР, а предистражна постапка отвори и Јавното обвинителство.

Последната изјава за бегството на Груевски од премиерот Зоран Заев е дека тој ги знае сите детали за неговото бегството, но ќе ги соопшти истите на јавноста “кога ќе дојде време„.

ПОВРЗАНИ ВЕСТИ

Ќе му се суди ли и на Груевски за настаните од 27 април?

Да не „бомбардира„ и Груевски од Унгарија

Груевски додека има мандат ќе зема пратеничка плата, која ќе му се намалува

Фото: Фејсбук/Груевски

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Груевски и Јанакиески на суд: Продолжува судењето за „Насилство во општина Центар“

Редакција

Куновска за „штедливото“ тргање на оградата: Со парите од советниците може цела Влада да се упристои

Никола Осило

Русковска е почестена од предлогот на Заев да го води „новото СЈО“, но смета дека е рано за честитки

Редакција