Вчера во Македонија беа регистрирани 89 нови случаи на заразени со корона вирусот.
“Најзастапена е возрасната група од 30-39 години со 27 позитивни. Во однос на дистрибуцијата по пол, пријавени се 48 лица од женски и 41 од машки пол.
Регистрирани се 8 хоспитализирани, а кај 25 лица е регистрирано присуство на коморбидитети (хронична/здравствени состојби, н.з.).
Од вкупниот број на нови случаи, 58 имаат контакт со потврден случај.
Регистрирано е едно лице со странско државјанство и историја на патување (во последни 14 дена)“, стои во анализата на Институтот за јавно здравје, која еМагазин секојдневно ја пренесува.
Од податоците произлегува дека 31 лице од новозаразените посочиле дека немале контакт со потврден случај, што создава забуна и го отвара прашањето како овие лица се заразиле и дали станува збор за нови кластери.
Прашан за тоа на вчерашната прес конференција за сличниот тренд претходниот ден, министерот за здравство, Венко Филипче, рече дека не станува збор за нови кластери, туку дека заразените не даваат точни податоци.
ПОВРЗАНИ ВЕСТИ
Новозаразениот со корона вирусот во Струмица е од Косово
Чаир има повеќе активни случаи на Ковид-19 и од Куманово и од Штип
Само еден од седумте новопочинати без претходни заболувања, а истиот имал контакт со потврден случај
Фото: МЗ