Директорката на Инфективната клиника, Милена Стевановиќ, во врска со зголемениот број смртни случаи од коронавирусот, на денешната прес-конференција рече дека речиси 50 проценти од пациентите кои починале од Ковид-19, биле предоцна донесени на клиниката, односно без претходна консултација со лекар.
-За прецизно дискутирање на смртните случаи треба да се направат прецизни анализи. Јас можам да кажам од аспект на она што ние го гледаме на клиниката.
Од над 470 пациенти досега, имаме 90 кои за жал, се со смртен исход. Најголем дел од нив се донесени на лекување по 10-15 дена самолекување, односно без претходна консултација на лекар.
Еден друг дел, се донесени по повеќе од една недела самолекување.
Нашите математики се дека 50 проценти од пациентите се предоцна донесени на лекување и верувам дека исходот би бил поинаков ако тие биле донесени навреме или барем консултирале матичен лекар, вели Стевановиќ.
МИА/Фото: МЗ
ПОВРЗАНИ ВЕСТИ
Стевановиќ: Дексаметазонот го користиме во лекувањето на болни од Ковид-19 и се покажа како корисен
Пациентите со Ковид-19 ќе може да се лекуваат и во болниците „Жан Митрев“, „Систина“ и „Ремедика“