еМагазин
Image default
ЖИВОТ

776 аптеки ќе добијат зголемување на квотите за лекови за 12 илјади денари

Вкупно 776 приватни здравствени установи – аптеки со кои Фондот за здравствeнo осигурување во моментов има склучено договор за март 2019 година ќе добијат рамномерно зголемување на квотите за лекови за 12 илјади денари.

Фондот соопшти дека континуирано ја следи достапноста до лековите на рецепт и работи на обезбедување подобра снабденост со лекови во текот на целиот месец. Ова, како што се наведува, се прави со цел осигурениците да може да ги подигнуваат потребните лекови во аптеките, во близина на нивното место на живеење.

– Линеарното зголемување на квотите за дополнителни 12 илјади денари е обезбедено за секоја здравствена установа – аптека, освен за апеките со максимална месечна квота од 650.000 денари и ќе важи само за март. Фондот сака да укаже дека еден од условите за зголемување на месечната
квота е аптеките да издаваат најмалку 20 отсто лекови за кои осигурениците не треба да доплаќаат, се вели во соопштението од ФЗОМ.

Фондот информира дека продолжува внимателно да ги следи состојбите со достапноста на лековите на рецепт во аптеките.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Заев со синот Душко возеше квадрицикл

Редакција

Цела недела во портокалова фаза: Препораки за заштита од високите температури

Никола Осило

Алва – слатко задоволство што се топи во уста

Никола Осило