Податоците на Институтот за јавно здравје (ИЈЗ) заклучно со 27 септември покажуваат дека 80,7 од починатите од Ковид-19 во Македонија се со претходни заболувања.
“Регистрирани се 729 смртни случаи (Лт = 4,1%).
Во однос на дата на смрт најголем број на смртни случаи се регистрирани на 19.06.2020 и 27.06.2020 година (n=12), а според недела на пријавување во тек на 25-тата недела (n=54).
Од регистрираните смртни случаи, најголем дел се на возраст над 60 години (n=530) каде е регистриран и највисок специфичен морталитет – 138,3/100.000 жители.
Регистрирани се 459 смртни случаи кај лица од машки и 270 кај лица од женски пол.
Од починатите, кај 588 (80,7%) се регистрирани коморбидитети, најчесто кардиоваскуларна болест (n=442), дијабет (n=206) и белодробна болест (n=108).
Регистрирани се три смртни случаи кај бремени жени и седум смртни случаи кај здравствени работници“, стои во извештајот на ИЈЗ, кој еМагазин редовно го пренесува.
ПОВРЗАНИ ВЕСТИ
48 лица починале од Ковид-19 надвор од болница
Фото: МЗ