На барање на Синдикатите и во тесна соработка со Владата, подготвен е Предлог-законот за изменување и дополнување на Законот за работни односи. Со овој Предлог-закон, се дефинира дека недела е ден на неделен одмор, информира портпаролот на Владата, Муамет Хоџа.
Тој на денешната прес-конференција напомена дека Владата очекува наскоро овие измени да бидат усвоени од страна на Собранието, бидејќи е во насока на унапредување на работничките права.
Со овој Предлог закон, како што рече, се овозможува над 92 проценти од вработените да одморат во недела, и со тоа да создадат рамнотежа меѓу приватниот и професионалниот живот
Исто така, измените предвидуваат најмалку 50 проценти повисока дневница и слободен ден.
МИА
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.