Куновска за стратегијата за греење за престојната зима: Некој треба да ги мисли работите, а не само тендерите

Поранешната пратеничка на СДСМ, Софија Куновска ја коментира на Фејсбук стратегијата за греење за престојната зима.

„Нашата зима и нашата стратегија за греење.

Не е решение само да се набави скапа струја со земени скапи кредити.

Не е решение ниту да се опустоши сиот дрвен фонд во земјата и да настанат дополнителни климатски штети кои нема да можат да се надокнадат со децении.

Стратегија е нешто сосем поразлично.

За почеток можеби треба, сите што можат, да работат од дома.

Тоа ќе ја намали потрошувачката за греење и ќе помогне неопходната потрошувачка во училишта, болници и производни капацитети да не биде доведена во прашање.

Верувам постојат уште многу начини како да се намали потрочувачката на греење и струја но некој треба да ги мисли работите, а не само тендерите“, пишува таа.

ПОВРЗАНИ ВЕСТИ

Не очекува многу тешка и непредвидлива зима, ќе прогласиме кризна состојба во енергетскиот сектор за да интервенираме со мерки, најави Бектеши

Македонија ќе ги следи препораки од Европската комисија за начинот на плаќање на рускиот гас