Министерот без ресор во Владата задолжен за дијаспора, Едмонд Адеми на неговиот фејсбук-профил по говорот на премиерот Зоран Заев во Собрание, објави дека поддавањето рака за помирување не значи амнестија.
„Помирувањето или опростувањето е човечка особина и големина. Папата Јован Павле Втори, му прости на својот атентатор , но тоа не го амнестираше Ахмет Али Агџа од одслужување на затворската казна. Обидот за атентат беше во 1981 година, од затвор излезе 2010 година.Така е и сега“, напиша Адеми на неговиот фејсбук-профил.
Пораката за помирување со опозицијата која Заев ја испрати од Собранието, каде што тој го образложува предлогот за уставни измени, јавноста ја протолкува како согласност на власта за давање на амнестија на обвинетите за настаните на 27 април.
фото: Фејсбук-профил на Едмонд Адеми
ПОВРЗАНИ ВЕСТИ
Богоевски: Се уште не знаеме дали ги имаме потребните 80 гласа и нема да знаеме до гласањето
Заев повика на помирување за 27 април и ги повика пратениците да гласаат за уставните измени