еМагазин
Image default
Бизнис ТОП СТОРИИ

„Алкалоид“ планира добивка од 15,3 милиони евра во 2019 година

„Алкалоид“ АД Скопје го објави бизнис планот за 2019 година преку Македонската берза од кој може да се види дека компанијата следната година планира добивка од 15,3 милиони евра, што е зголемување во однос на проектирана добивка за годинава од 14,3 милиони евра.

„Согласно стратешката определба, Алкалоид и во 2019 година ќе продолжи по курсот на развојот, ќе продолжи да инвестира во производствените капацитети и во современите технологии, во човечките ресурси и во заедницата воопшто.

Бизнис планот за 2019 година предвидува инвестирање на околу 16% од консолидираните продажби во материјални и нематеријални средства од сопствени извори, раст од најмалку 7% на консолидираните продажби во однос на очекуваните за 2018 година како и раст од најмалку 7% на консолидираниот профит пред оданочување во однос на очекуваниот за 2018 година.

Сегментарно по Профитни центри, 85% од консолидираните продажби се очекува да ги реализира ПЦ Фармација, а 15% ПЦ Хемија Козметика Билкарство“, информираат од компанијата.

Се очекува 37% од консолидираните продажби да бидат остварени на домашен пазар додека 63% од извоз.

„Прв приоритет и понатаму останува регионот. Втор приоритет се земјите од ЕУ, САД, Русија и земјите од ЗНД. Трет приоритет се останатите пазари“, велат од компанијата.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Видео) Силен земјотрес во Загреб

Редакција

(Фото) Услуги од десет институции ќе ги добивате на едно место

Редакција

Започна откупот на тутунот: 4.700 повеќе договори и зголемена засадена површина

Редакција