Лидерот на Сојузот на Ромите, Амди Бајрам, кој е еден од кандидатите за претседател на државата на престојните избори ќе „собира“ гласови со „Амди-кола“, најави во интервју за 24 анализа на телевизијата 24.
„Силен сум многу. Тоа е еден пробен балон како ќе биде меѓу граѓаните. Имам подршка од сите, познат сум кај сите. Бренд си е бренд. Нема да биде Кока Кола, туку Амди Кола. Колку пијалоци ќе се испијат, толку гласови ќе добијам, рече Бајрам и извади шише со кола со неговиот лик.
Во интервјуто Бајрам рече дека е задоволен од политиката на сегашната власт на чело со премиерот Зоран Заев, а и дека тој е поискусен политичар од лидерот на ВМРО-ДПМНЕ, Христијан Мицкоски.
„Подобро мене да ме избереа од ВМРО-ДПМНЕ, ќе ги извадев од кал“, рече тој.
За разлика од него, за Заев не знаел дека дека има широко срце и дека бил отворен за комуникација што не било случај со Никола Груевски.
„Во овој момент сум толку близок со Заев, што самиот ме прима и ми одговара кога и да му се јавам. Груевски не беше толку комуникативен“, рече Бајрам.
ПОВРЗАНИ ВЕСТИ
Само Амди Бајрам може да има ваков анкетен лист: Каков имот пријавил
Твитер „зовре“ по јавните настапи на Бајрам: „Амди најреално ја има укапирано македонскава политика“
(ВИДЕО) Амди Бајрам „рекламира“ Кока Кола
Фото: ТВ24