еМагазин
Image default
Македонија

Американскиот Стејт департмент се надева на успех на референдумот за името

Во пресрет на денешната посета на Вес Мичел, помошник-државен секретар за Европа и Евроазија на Македонија, американскиот Стејт департментот изрази надеж за успех на референдумот и повторно укажа на историската важност на Договорот од Преспа.

Во изјава за МИА портпарол на Стејт департментот посочи дека имплементацијата на Договорот со Грција ќе овозможи Македонија да стане членка на НАТО како Северна Македонија.

– Тоа ќе го олесни отварањето на преговорите за членство во ЕУ, од што корист ќе имаат двете земји а тоа е зацврсување на регионалната безбедност и поттикнување на развојот, се вели во соопштението до МИА.

Понатаму, од Стејт департментот уште еднаш повторија дека го поздравуваат историскиот Договор од Преспа и високо ја оценуваат покажаната визија, храброст и истрајност на премиерите Зоран Заев и Алексис Ципрас.

Во Скопје денеска доаѓа помешникот државен секретар за Европа и Евроазија, додека за викендот закажана е посета и на државниот секретар за одбрана Џејмс Матис. Двајцата високи американски гости доаѓаат за да изразат јасна поддршка за претстојниот референдум и за стапувањето на Македонија во НАТО.

Од Скопје, Мичел заминува во посета на Атина, а пред да допатува во Македонија беше во посета на Тбилиси, Грузија.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

ВМРО-ДПМНЕ: Ако Договорот беше добар, Заев немаше да го стави на референдум со двосмислени прашања

Редакција

МВР се „офајди“ од последната распределба на запленети возила

Никола Осило

Литванија осма членка на НАТО што го ратификува Протоколот за прием на Македонија

Редакција